【短篇小论】一汽宇通ZK610(1)5HNGS1(2)(第四批)

好了，大家都知道，一汽一共有两批，共13台宇通ZK6105HNGS1双巴。呢两批双巴因为要去上牌，所以就进行加顶改造，套上ZK6115HNGS2呢个型号去上牌。两批车，就分为四批进行改造。第一批改造嘅就係3355车，其最先于16年1月上牌。第二批改造嘅就係3352-3354车，其中3353车于16年10月上牌，3352、3354车于16年11月初上牌。第三批改造嘅就係3356-3357车，其于16年11月上牌。头三批车(购入时为同一批车辆，下面均称为第一批双巴)，均送回郑州进行改造。而3358-3364车(第二批购入车辆，下面均称为第二批双巴)则由宇通厂派人以及包工包料，于广州花都某地进行改造，改造后，7台车均于17年1月上牌。那么问题就来了，以旅游观光1线嘅客流状态，根本就用唔上呢7台车了。咁点算好？最简单嘅方法就係派去普通线路进行运营啰。所以呢7台车入面，自编为3358-3361嘅4台车就派到18路进行运营。而3362-3364车就调入二分公司，运营于901A线。2月16日，18路就正式派出双巴进行运营，因为路况原因，双巴采取快车运营模式，唔入石榴岗地区。并于早晚高峰期行走于冼村路北-赤沙区间。

除咗4台“第二批”双巴之外，自编号为3356嘅“第一批”双巴同样行走于18路。

其实呢度就有样好过瘾嘅嘢，自编为3361嘅车居然有一块“支援45路 短线冼村北路”嘅牌，最离奇嘅就係有人影过呢部车打过45路数据出来(冇图有真相)。而且3361係18路唯一一部采用新款春山座椅嘅双层巴。

其实行18路嘅双巴基本上同行旅游观光1线嘅双巴差唔多，因为周末同节假日，18路嘅双巴要支援旅游观光1线。所以，18路双层巴二楼嘅“猪栏”并冇拆除，导向图都同旅游观光1线一样，采用贴纸款式。

係了，差啲唔记得讲，18路嘅5台双层巴都有一样好过瘾嘅嘢。玩过“OMSI”呢个游戏嘅朋友都会知道，游戏入面嘅前车门係可以分开来开嘅。18路双巴就係咁嘅模式，开半个车门，然后乘务员就拿住块短线牌伸个头出来问你去边，十分之“野鸡”。

唔係话901A都有双巴咩？点解我未见到嘅？因为喺2月22日就发生一件好有趣嘅事，18路嘅双层巴居然冇开出来，901A嘅双巴喺22日嘅早高峰过后就冇咗了。据传，因为经营某“30蚊旅游观光线”嘅某公司举报，描述一汽公司采用不公平竞争手法夺取客流。再加上18路以及901A线运营双巴前亦都冇向交委报批，两条普通线嘅双巴运营计划就此终止。真係睇见都想笑...

喺25日，广州电视台都有对该事件进行报道。对于该两条线路停止运营双巴嘅缘由，其描述为双巴运营该线路并未通过安全评估，且恢复时间未定，真係有趣过有趣。

咁想睇901A双巴，咪一次过俾你睇到够。点解影唔到又坐唔到？除咗因为停运之外，重有一个好重要嘅原因。呢个原因就係901A嘅双巴只于早高峰运营，每日运营三个钟，早上九点几十点就回厂，真係唔知讲咩好。同18路双层巴一样，其大部分时间采用短线运营模式，运营于凌塘村-员村山顶区间。既然咁难影，就要搵下老司机带我影下了，下面开启下打格仔模式，就係唔讲俾你听啲车收埋喺边度。

第一次运营双巴嘅二分公司真係好多搞作，例如因为岑村地区路况嘅原因，901A嘅三台双巴均拆除咗电动残疾人轮椅上落板，简直就係妙。

另外，喺车头同前门旁边增设短线牌架，唔使乘务员拿短线牌拿得咁辛苦。

睇睇司机位，基本上同其它双巴都一样，冇咩特色。机械部分都一样，下面就唔讲了。

乘客区方面，之前啱改造完翻来果阵，呢批双巴喺右边嘅水塘位装咗4张座椅。呢三台车交俾二分之后，水塘位座椅全数被拆除，装翻扶手棍。楼梯后面嘅宣传电视都被拆除，贴上乘车守则。驾驶室后加装咗一张来自安凯插电车嘅折叠座椅，另外可以睇到，二分公司嘅双巴采用咗普通款式嘅导向图。

.

由于第一次运营双巴，二分公司可谓高度紧张，呢三台车嘅楼梯贴满晒宣传标语。

睇睇二楼，同三分公司嘅车差唔多，只不过係楼梯口嘅“猪栏”被拆除。

最后只能够希望一汽呢7台双巴快啲重新投入到普通线路进行运营，同时希望交委喺呢件事上能够做到公平公正，毕竟冇人会咁傻喺工作日用30蚊坐双层巴吧→_→