【短篇小论】新穗南车TEG6106BEV07

讲起新穗嘅南车TEG6106BEV03大家肯定就好熟悉啦，咁佢嘅兄弟版本——TEG6106BEV07大家又有冇了解呢？呢批车数量比BEV03更多，购入数量为194台。但係直到今日为止，只有一台运营于864线，咁就有趣了。

睇睇外观，同BEV03一样，BEV07同样采用了同金旅同宗同源，“借鉴”于“MAN Lion's city”嘅欧洲小圆角方基调造型+特制嘅封尾造型。另外可以睇到，同BEV03一样，呢款车前门旁边贴有“严禁携带易燃易爆等危险品上车”嘅字样。车身尺寸方面，呢款车嘅长宽高为10490mm×2490mm×3450mm。但係大家睇来睇去，除咗觉得车顶有个电池包之外，係咪觉得车身比例都好怪呢？冇错，呢批BEV07采用了短后悬长轴距设计，BEV07采用2610mm后悬同5600mm轴距，对比起BEV03嘅3110mm后悬同5100mm轴距，虽然转弯半径更大，但係乘客区中部嘅空间更大，更阔，好评！

睇睇司机位，同BEV03一样，驾驶台嘅钣件造型同样是来自于金旅。可以睇到，仪表台继续采用了大量仿“碳纤维”纹路嘅饰板，十分新潮。仪表台上嘅配置和BEV03差不多，刹车阀采用较为高级嘅威伯科出品，CAN总线采用本安出品嘅新能源车专用CAN总线，电牌以及报站器都采用通达出品嘅TD-10G，仪表台底部嘅安全锤就移到A柱上面。

睇睇乘客区，对比BEV03，BEV07嘅一踏设计就正常得多。呢款车嘅后山因为全部都係电池了，所以设计成封尾，骤眼睇以为设备间有个可以开嘅“厕所门”，实际上果个只係一个检修口，全都用螺丝封死。由于呢款车采用短后悬设计，所以呢款车嘅轴距加长咗，乘客区中部嘅空间加大咗，所以乘客区中部多咗两张座椅。不过后半部嘅空间虽然变细，但係一样装咗三排座椅。新车到货时乘客区中部靠后门嘅位置留有一个小水塘，水塘边留有线束，开头以为用来装机器人吧，点知上路之后居然加翻凳，有趣有趣。乘客区的配置都同新穗旗下车辆嘅配置差唔多，扶手都係采用拉丝铝扶手，座椅同样采用春山出品嘅CS00331轻质铝塑座椅。

乘坐感受方面(建议大家喺WiFi环境下观看视频，土豪请随意)，个人认为动力同BEV03差唔多，即使唔係踩尽油，爬上白云大道南嘅两座立交桥都唔係好吃力。但係避震稍微要俾BEV03要硬，但係硬起身又唔算差，唔似果啲又硬又摇嘅气囊，BEV07嘅气囊起码支撑力较强，路感传递又比较清晰。另外，据司机所讲，呢款车嘅续航里程有250公里左右，比BEV03嘅150公里要大好多，只要悭啲使，挨一日都冇问题。

机械方面，呢款车采用额定功率为100Kw，峰值功率为150Kw嘅南车自家制TZ405XSD23永磁直流电机，空调采用松芝JLD-ⅡC。电池采用宁德时代新能源科技有限公司出品嘅磷酸铁锂电池，呢款车有16组电池，车顶有6组，车尾有7组，左后部有两组，后右部有一组。由于这车采用短后悬设计，所以呢款车嘅打风泵、总关同保险丝电器元件等都同冷却水箱逼埋一齐。

底盘行走方面，呢款车嘅地台采用一踏低入口设计，悬挂采用欧洲原装进口嘅马牌3715气囊悬挂，气囊高度阀采用瀚德出品。该车前后车桥均采用汉德出品，前后桥均为免维护桥，前后桥均采用杭万双推式刹车夹碟刹，ABS采用威伯科刹车阀配套出品。

最后贴上铭牌，2016年12月制造。